إلى الأحزاب التي تدعي الشرف و القوة

إلى الأحزاب التي تدعي الشرف و القوة إلى الأحزاب التي تدعي الشرف و القوة و التي لها قاعدة جماهرية و قادرة على تحريك الشارع التونسي في اي لحظة, تي نقصد النهضة و المؤتمر من أجل الجمهورية ماغير متخممو برشة , وينكم شبيكم ماكمش في الشارع ؟؟ مش قلتو إنكم بش تساندو إعتصام القصبة 3 لأن مطالبه شعبية و مشروعة ؟؟ وينكم يا سي راشد الغنّوشي ؟؟ وينك و انت رئيس حزب سياسي ذو مرجعية إسلامية ؟؟ مش قلتوا الشعب مسلم و لا يستسلم ؟؟ و إلا فالحين كان في التكبير و الكلام الفارغ ؟؟ الكلنا مسلمين كانك عل الاسلام , لكن الفرق بينا و بينكم أحنا ماناش محزبين و مسكتناش على تهجم البوليس على مسجد القصبة و فينا شكون تضرب و فينا حتى شكون مازال موقف , و أنتم فالحين كان إتنددو و تلومو , نعطيك من الأخر يا سي الغنوشي انت و القيادات متاعك : الحكومة الصهيوفرنسية نجحت باش تكسّرك كحزب سياسي و تضرب الشعبية متاعكم و تضعفكم قدام الرأي العام. و أنت يا سي منصف المرزوقي ؟؟ أتقول زادا أنا موافق على مطالب إعتصام القصبة و بش انساند اي تحرك شعبي , أتجي النهار لول اتهبط للشارع 10 من الناس و تاكلو طريحة , في عوض تزيدو تشاركو النهار الثاني بأكبر زاد بشري , جبدتو بينا ضربة وحدة ؟؟ ذكّرتوني بالنعامة كتخاف تحشي راسها في الرمل. أحنا مشرفي الفايسبوك و الشباب الغير متحزب تحركنا و قمنا بالواجب و أكثر و ماغير مزية , و انتم بقيتو كان تجريو عل الكراسي , كملو إجريو عالكراسي و الحكومة الصهيوفرنسية قاعدة تشن عليكم في حرب و الفاهم يفهم. قلنالكم قبل 15 جويلية : ساندو الإعتصام بقوة , بكل ما أتيتم من شعبية و قلنالكم راهي برشة حاجات بش تتغير , و انتم سمعتو و طفيتو الضوء. كل واحد يتحمل مسؤوليته